Беларускі брэнд Mark Formelle у канцы жніўня выпусціў новую капсульную калекцыю з прынтамі, прысвечанымі вядомым мясцінам і архітэктурным аб’ектам Беларусі.
«Мы выпусцілі капсулу са знакавымі аб’ектамі беларускай архітэктуры. Да такіх калекцый мы заўсёды ставімся з асаблівым трапятаннем і любоўю. Спадзяёмся, што яна вам таксама спадабаецца», – напісаў брэнд у сваім інстаграме.
Сярод мадэляў – цёмна-сіняе худзі з прынтам Брэсцкага чыгуначнага вакзала. На іншай мадэлі выяўлены Нацыянальны акадэмічны Вялікі тэатр оперы і балета. Таксама ў калекцыі ёсць бардовае худзі з Гродзенскім драматычным тэатрам і чорнае – з Мірскім замкам.
Яшчэ адна мадэль прысвечана Буйніцкаму полю пад Магілёвам: на блакітным світары размясцілі адпаведны малюнак. Ёсць і чорны світар з выявай «Варот Мінска».
Усе мадэлі даступныя на сайце брэнда і ў фірмовых крамах. Звычайны світар каштуе 49,99 руб., а худзі з капюшонам – 55,79 руб. са скідкай.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
